Mae Ysgol Gynradd Gymunedol y Parc (ger y Bala) sydd wedi darparu addysg ragorol i blant yr ardal ers sawl cenedlaeth, heddiw o dan fygythiad ei chau oherwydd toriadau. Ond dyw'r gymuned leol ddim am eistedd yn ol a derbyn hynny - mae'r frwydr yn parhau.

Mae gwefan wedi ei chreu i gefnogi'r ymgyrch. Y cyfeiriad yw http://www.achubysgolparc.co.uk/

Gallwch anfon sylwadau a'ch cefnogaeth drwy ebostio achubysgolparc@gmail.com

ANFONWN NEGES GLIR - PEIDIWCH CAU YSGOL PARC

Friday, May 20, 2011

Y TRI GWRON

Dymunwn ddiolch i`r tri gwron sy`n ein cynrychioli ar
Gyngor Gwynedd,ac wedi gweithio mor galed drosom.Mae`r
Cynghorwyr Elwyn Edwards, Dylan Edwards, ac Alun Jones Evans
i`w canmol am sefyll yn gadarn dros gadw ein hysgol ar agor,
ac amddiffyn ein cymuned.
Mae`n atgoffa rhywun am y tri llanc yn y ffwrn dan !
Ac fe fyddant yn dal i frwydro gyda ni yn y cyfnod nesaf.

RY`M NI YMA O HYD

Er gwaethaf penderfyniad Cyngor Gwynedd i gau
Ysgol Gymunedol y Parc,rydym am ddatgan yn glir
NID YW`R FRWYDR AR BEN.
Awn ymlaen i ymladd ein hachos o flaen y Cynulliad
Dyna fydd y cam nesaf,OS caiff Cyngor Gwynedd yr arian
mae nhw`n gobeithio ei gael.
Diolch i Fred Francis am ei safiad dewr.Gallwch ddarllen
amdano, a gweld lluniau o blant y Parc ar Youtube.
Ewch ar www.youtube.com
Yna rhoi Ympryd dwr Fred i mewn.
Ymlaen a`r frwydr !